Моладзевы праект «Кніга.BY» рэалізуецца ў нашай краіне на працягу 2017-2019 гадоў. Тэматыка выбіраецца штогод на падставе Указа Прэзідэнта Рэспублікі Беларусь аб аб’яўленні новага накірунку развіцця краіны на наступны год.
Так, у 2017 годзе, які аб’яўлены ў Беларусі Годам навукі, а таксама з’яўляецца юбілейным годам кнігадрукавання, праект «Кніга.BY» рэалізуецца ў рамках навуковай тэматыкі, скіраваны на зацікаўліванне моладзі навуковай і навукова-папулярнай літаратурай, павышэнне значнасці навукі ў грамадскай свядомасці.
Арганізатарамі праекта з’яўляюцца грамадскія аб’яднанні «Беларускі рэспубліканскі саюз моладзі» і «Саюз пісьменнікаў Беларусі».
На працягу года праект «Кніга.BY» рэалізуецца ў чатырох асноўных формах: буккросінг, сустрэчы з пісьменнікамі, флэшмоб «З кнігай па жыцці», дабрачынныя акцыі па зборы кніг для сацыяльных установаў «Кніга ў добрыя рукі».
Не заставайцеся ў баку ад добрых справаў, далучайцеся да моладзевага рэспубліканскага праекта «Кніга.BY».
К. ХІЛІМОНЧЫК,
першы сакратар раённага камітэта ГА «БРСМ»