У Ашмянах правялі семінар-практыкум па падрыхтоўцы вучняў да алімпіяд
Опубликовал

У Ашмянах правялі семінар-практыкум па падрыхтоўцы вучняў да алімпіяд

На базе СШ №1 прайшоў семінар-практыкум па тэме «Асноўныя напрамкі падрыхтоўкі вучняў да алімпіяды па беларускай мове і літаратуры», арганізатарамі якога выступілі метадыст Гродзенскага абласнога інстытута развіцця адукацыі Святлана Гузава і загадчык раённага вучэбна-метадычнага кабінета Вольга Барысенка.

Для настаўнікаў-прадметнікаў заняткі правёў кандыдат філалагічных навук, загадчык кафедры рэдакцыйна-выдавецкіх тэхналогій Беларускага дзяржаўнага тэхналагічнага ўніверсітэта, наш зямляк Уладзімір Куліковіч.  Ураджэнец Станцыі Ашмяны Уладзімір Куліковіч – аўтар шэрагу кніг і дапаможнікаў па беларускай мове, сярод якіх “Гучанне беларускай мовы”, “Сучасная беларуская арфаграфія”, “Новае ў беларускай арфаграфіі” і інш.

Падчас семінара былі разгледжаны  асаблівасці напісання водгуку і  пытанні падрыхтоўкі вучняў да выканання комплекснай работы па беларускай мове і літаратуры, а таксама структурныя часткі і крытэрыі ацэнкі вуснага выказвання.

Ашмянскі веснік

0 0 128 16 Октябрь, 2017 Сацыяльная сфера Октябрь 16, 2017

Добавить комментарий

Ваш e-mail не будет опубликован. Обязательные поля помечены *