Лясгас інфармуе: акцыя «Чысты лес» 7 кастрычніка
Опубликовал

Лясгас інфармуе: акцыя «Чысты лес» 7 кастрычніка

7 кастрычніка 2017 года з ініцыятывы Міністэрства лясной гаспадаркі Рэспублікі Беларусь пройдзе агульнарэспубліканская акцыя «Чысты лес». Асноўная яе мэта — умацаванне сувязяў арганізацый лясной гаспадаркі з мясцовым насельніцтвам, навучэнскай моладдзю, шырокай грамадскасцю ў правядзенні сумесных экалагічных акцый па навядзенні парадку ў лясах, прапагандзе беражлівых адносінаў да лясных рэсурсаў.

Арганізацыі лясной гаспадаркі штогод накіроўваюць значныя сілы і сродкі на навядзенне парадку ў лесе. Праблема несанкцыянаваных звалак будаўнічых і бытавых адходаў, іншых пабочных прадметаў у лясах, вакол населеных пунктаў, садаводчых таварыстваў і дачных кааператываў, на пляцоўках адпачынку і аўтастаянках  застаецца вострай. Цяпер шырока сталі выкарыстоўвацца тэхнічныя сродкі для выяўлення парушальнікаў ляснога і прыродаахоўнага заканадаўства. З дапамогай камераў назірання атрымліваецца фіксаваць факты парушэнняў і вінаватых прыцягваць да адказнасці. Фотакамеры не маюць пастаяннага месца, іх  усталёўваюць там, дзе часцей учыняюць правапарушэнні. Фотакамеры спрацоўваюць на любы рух і ў любы час сутак. За студзень-верасень бягучага года работнікі дзяржаўнай лясной аховы склалі 39 пратаколаў за парушэнні патрабаванняў ляснога і прыродаахоўнага заканадаўства, у тым ліку 23 парушэнні ўстаноўлены з дапамогай фотакамераў.

Акцыя «Чысты лес» прызначана аб’яднаць людзей, якія гатовы дапамагчы ў навядзенні парадку ў лесе, вакол населеных пунктаў.

Дзятлаўскі лясгас запрашае да ўдзелу ў акцыі, якая пачынаецца 7 кастрычніка, усіх жадаючых. Па пытаннях можна звярнуцца ў любое лясніцтва раёна або па тэлефоне 6-12-50. Таксама інфармацыя пра акцыю змешчана на сайце forestdyat.by. Удзельнікам выдаецца неабходны інвентар, будзе арганізаваны вываз смецця.

Дзяржаўная лесагаспадарчая ўстанова «Дзятлаўскі лясгас»

0 0 65 01 Октябрь, 2017 Сацыяльная сфера Октябрь 1, 2017

Добавить комментарий

Ваш e-mail не будет опубликован. Обязательные поля помечены *