Беларускае Таварыства Чырвонага Крыжа з’яўляецца часткай міжнароднага руху Чырвонага Крыжа і актыўна супрацоўнічае з замежнымі дабрачыннымі арганізацыямі.
Так, 28 верасня старшыня Дзятлаўскай раённай арганізацыі Беларускага Таварыства Чырвонага Крыжа Галіна Касцюк арганізавала сустрэчу з наведвальнікамі дзённага аддзялення «Праменьчык» і ўручыла інвалідам 1 і 2 груп прыемныя падарункі ад Швейцарскай арганізацыі Чырвонага Крыжа.
Галіна Эдвардаўна адзначыла, што замежная гуманітарная дапамога штогод аказваецца і шматдзетным сем’ям, няпоўным, апякунскім і прыёмным сем’ям з нізкім узроўнем даходу, а таксама грамадзянам, якія аказаліся ў цяжкай жыццёвай сітуацыі.
Размеркаванне падарункаў ажыццяўляецца з улікам дакументаў, якія пацвярджаюць неабходнасць аказання гуманітарнай дапамогі.
Ю. Бакуновіч
Фота аўтара