— У Федэрацыі прафсаюзаў і органаў пракуратуры шмат у чым падобныя задачы. Вядома, формы, метады і паўнамоцтвы ў нас розныя, але мэта працы адна – абарона законных правоў і інтарэсаў грамадзян. Для нас, прафсаюзаў, у першую чаргу – у сферы працоўных адносінаў. Таму мы і прапанавалі аб’яднаць намаганні нашых ведамстваў у гэтым напрамку, – адзначыў старшыня Федэрацыі прафсаюзаў Беларусі Міхаіл Орда ў час падпісання дакумента.
Нацыянальнае заканадаўства рэгулюе пытанні рэалізацыі дзяржаўных гарантый па забеспячэнні абароны правоў і законных інтарэсаў грамадзян, узаемных правоў і абавязкаў работніка і наймальніка, вызначае ўпаўнаважаныя кантрольна-наглядныя органы, устанаўлівае адказнасць за парушэнні патрабаванняў заканадаўства.
Разам з тым, нягледзячы на прымаемыя меры, наймальнікі часта не прадастаўляюць работнікам бяспечныя ўмовы працы, не выконваюць тэрміны па выплаце заработнай платы. Так, у Гродзенскай вобласці, дзякуючы прафсаюзным юрыстам, за першае паўгоддзе было вернута больш за 121 тысячу незаконна вылічаных або нявыплачаных работнікам грашовых сумаў. За шэсць месяцаў прававыя інспектары працы 15 разоў удзельнічалі ў судовых працэсах, вярнулі на працу чатырох чалавек, склалі амаль паўстотню іскавых заяваў у розныя судовыя інстанцыі.
— У рамках супрацоўніцтва бакоў плануецца правядзенне сумесных мерапрыемстваў па наглядзе і грамадскім кантролі за выкананнем заканадаўства аб працы, ахове працы і прафсаюзах, арганізацыя сумесных прыёмаў грамадзян, а таксама абмен інфармацыяй і прапановамі па ўдасканаленні заканадаўства і правапрымяняльнай практыкі, – адзначыў Генеральны пракурор Рэспублікі Беларусь Аляксандр Канюк.
Такая работа будзе арганізавана таксама на абласных і раённых узроўнях.
Прэс-служба Федэрацыі прафсаюзаў Беларусі
