Беларусь і Індыя дамовіліся аб павелічэнні паставак калійных угнаенняў
Опубликовал

Беларусь і Індыя дамовіліся аб павелічэнні паставак калійных угнаенняў

Беларусь і Індыя дамовіліся аб павелічэнні паставак калійных угнаенняў

Абмен адпаведным мемарандумам аб узаемаразуменні адбыўся ў прысутнасці лідараў дзвюх краін.

Як растлумачыла генеральны дырэктар Беларускай калійнай кампаніі Алена Кудравец, мемарандум вызначае тое, як бакі будуць працаваць з 2018 па 2023 год, якія аб’ёмы будуць пастаўляцца асноўнаму пакупніку беларускага калію ў Індыі — кампаніі IPL. «Гэта з павелічэннем аб’ёмаў у параўнанні з тым, як у нас ёсць у гэтым кантрактным годзе. Павелічэнне аб’ёмаў бачыцца і з 2018 па 2023 год. Увесь мемарандум прадугледжвае пастаўку больш як 4 млн т. Там ёсць і апцыйныя аб’ёмы. Будзем бачыць па рынку, па сітуацыі», — адзначыла яна.

Індыйскі рынак для БКК стратэгічны. «Гэта кантрактны рынак, разам з кітайскім. Але калі ў Кітаі ёсць свае вытворцы, то ў Індыі ўвесь тавар імпартуецца. І для нас вельмі важна захоўваць і баланс адносін на рынку, і баланс аб’ёмаў. Для нас гэта вельмі важны рынак», — заявіла Алена Кудравец.

У цэлым, паводле яе слоў, сітуацыя на сусветным рынку калійных угнаенняў добрая, попыт перавышае прапанаванне.

БелТА

0 0 117 13 Сентябрь, 2017 Палітыка Сентябрь 13, 2017

Добавить комментарий

Ваш e-mail не будет опубликован. Обязательные поля помечены *