Складана ўявіць сваё жыццё без зручных і камфортных рэчаў, да якіх мы прывыклі, напрыклад, электрапрыбораў. Памятайце, што карыстацца імі трэба асцярожна, выконваючы правілы бяспекі.
Ні пры якіх абставінах не выкарыстоўвайце пашкоджаныя, самаробныя электраабагравальнікі;
пазбягайце перагрузкі электрасеткі ў выпадку ўключэння адразу некалькіх магутных спажыўцоў энергіі;
не пакідайце ўключаныя электраабагравальнікі на ноч, не выкарыстоўвайце іх для сушкі рэчаў;
рэгулярна ачышчайце абагравальнік ад пылу, бо ён таксама можа загарэцца;
сачыце за тым, каб провад ад электрапрыбора не знаходзіўся пад дыванамі і паласамі, інакш ён можа перацерціся;
для таго, каб пазбегнуць узгарання электрапрыбораў з-за перападаў напружання, карыстайцеся сеткавымі фільтрамі;
калі пакідаеце дом, выключайце электрапрыборы і асвятленне.
А. БЕЛЕНКА,
інспектар Дзятлаўскага РАНС
