З 14 па 20 жніўня ў Воранаўскім раёне будзе праходзіць Тыдзень культуры “Суквецце талентаў Воранаўскага краю”.
19 жніўня ў парку горада Ашмяны пройдзе фестываль моладзевых субкультур “Мы разам”. Адбудуцца выступленні рэп-выканаўцаў, рок-груп, майстар-клас па фаер-шоу.
19 жніўня ў горадзе Гродне на пляцоўцы ля Моладзевага цэнтра будуць праводзіцца мерапрыемствы ў рамках праекта “Мерапрыемствы выхаднога дня” “Танцуем у Гродне!”.
19 жніўня фестываль вясковай культуры “Бакштаўскі каларыт” пройдзе ў вёсцы Бакшты Іўеўскага раёна. Тэатралізаваныя прадстаўленні, выставы, майстар-класы, канцэрт чакаюць гасцей фестывалю.
19 жніўня ў аграгарадку Сянькоўшчына Слонімскага раёна будзе праводзіцца свята пчаляра і садавода. У праграме: тэатралізаванае прадстаўленне, кірмаш мёду і прадуктаў пчалярства, выстава-продаж, канцэрт.
19 жніўня пабачыць творчасць прафесійных ганчароў, навучыцца працаваць з глінай, набыць керамічныя вырабы ручной работы можна будзе на фестывалі-кірмашы “Кераміка Крэва”, які пройдзе ў аграгарадку Крэва Смаргонскага раёна.
19 жніўня ў вёсцы Каробчыцы Гродзенскага раёна адбудзецца экстрэмальнае шоу “Аўтабаі-2017”, у якім прымуць удзел аўтамабілі з розных рэгіёнаў Беларусі.
20 жніўня ўсе аматары танцаў запрашаюцца на “Танцавальную нядзелю”, якая адбудзецца ў рамках праекта “Музычна-турыстычны сезон “Нядзеля ла палаца” ў Гродне.
20 жніўня каля Палаца культуры горада Ліды пройдзе шоу-праграма “Fire-Млын” з удзелам фаер-брыгады “Вогненныя вароны”.
20 жніўня аграгарадок Тарнова Лідскага раёна запрашае на свята сякеры “Рабочая сякера”.
Падрыхтавала да друку С. ГРЫШЫНА