Падарунак для Ліяны
Опубликовал

Падарунак для Ліяны

Напярэдадні новага навучальнага года праходзіць акцыя “Збяром дзіця ў школу”. Актыўны ўдзел у ёй прымаюць прадстаўніцы раённай арганізацыі грамадскага аб’яднання Беларускі саюз жанчын.

28 жніўня старшыня пярвічнай жаночай арганізацыі Дзятлаўскага сырзавода Ірына Панкевіч і яе намеснік Алена Якімчык наведамі Ліяну Яравую, вучаніцу трэцяй дзятлаўскай школы. Жанчыны падарылі дзяўчынцы школьныя прыналежнасці, пажадалі добра вучыцца.

Падарунак спадабаўся. І быў вельмі дарэчы: тата Ліяны, які працуе сыраробам на заводзе, выхоўвае дзяўчынку адзін.

Пойдзе Ліяна ў чацвёрты клас. З нецярпеннем чакае першага верасня, каб сустрэцца з аднакласнікамі, са сваёй настаўніцай Аленай Вячаславаўнай.

Вучыцца дзяўчынцы падабаецца. Асабліва добра засвойвае англійскую мову: па гэтым прадмеце ў Ліяны – дзясяткі. А марыць яна стаць настаўніцай.

І. Міхайлоўская
Фота аўтара

2 0 157 29 Август, 2017 Раённыя падзеі Август 29, 2017

Добавить комментарий

Ваш e-mail не будет опубликован. Обязательные поля помечены *