КСУП «Жукоўшчына», «Хвінявічы», «Русь-Агра» завяршылі масавае жніво
Опубликовал

КСУП «Жукоўшчына», «Хвінявічы», «Русь-Агра» завяршылі масавае жніво

На раніцу 18 жніўня КСУП «Жукоўшчына» абмалаціла збажыну на 760 гектарах з 770 (99 працэнтаў). КСУП «Русь-Агра» сабрала ўраджай з 1655 гектараў (засеяна было 1695), што склала 98 працэнтаў. КСУП «Хвінявічы» абмалацілі збожжа на 848 гектарах з 883 (96 працэнтаў).

На фінішы жніва перавёз сваю 1000-ую тону зерня шафёр МАЗа з КСУП «Жукоўшчына» Аляксандр Пышко. Прафсаюзная прэмія знайшла героя жніва ўжо пад бярозавай засенню на мехдвары ў Жукоўшчыне.Прэмію РК прафсаюза работнікаў АПК за 1000 тон Аляксандру Пышко ўручае старшыня РК прафсаюза Уладзімір Казак.

Жукоўшчынскія камбайны ўчора раніцай мы напаткалі на дарозе ў Казлоўшчыну — ехалі на дапамогу ў КСУП «Слава працы». А вас не ўзялі? — жартам пытаюся ў Аляксандра Пятровіча.

Не ўзялі, адказвае. Падыходзіць тэрмін для яго МАЗа праходзіць тэхагляд. Трэба памяняць шыны на колах, тармазы. Такі ў Аляксандра Пышко бліжэйшы клопат. Шафёр-тысячнік Аляксандр Пышко. МАЗ сумленна адпрацаваў на жніве і заслужыў належны тэхнічны клопат пра сябе.

Фота Б. Варны.

2 0 207 18 Август, 2017 Ураджай-2017 Август 18, 2017

Добавить комментарий

Ваш e-mail не будет опубликован. Обязательные поля помечены *