На гарадскім стадыёне, спартыўных пляцоўках, у спартыўных залах горада прайшлі спаборніцтвы па валейболе сярод аматарскіх каманд, міні-футболе сярод 12-13-гадовых падлеткаў, чарговы тур раённага летняга чэмпіянату па міні-футболе сярод аматарскіх каманд.
У чарговым туры летняга чэмпіянату раёна па міні-футболе адбыліся два матчы. БНГ — «Лібертас» — 7:4, «Лібертас» — «Фарсаж» — 2:3. 
Прайшоў адкрыты турнір па шашках, прысвечаны Дню Незалежнасці Рэспублікі Беларусь, на які атрымалі запрашэнне і прыехалі шашысты з суседніх раёнаў.
На гарадскім стадыёне адбыліся паказальныя выступленні супрацоўнікаў Дзятлаўскага аддзела Дэпартамента аховы Міністэрства ўнутраных справаў Рэспублікі Беларусь і Дзятлаўскага раённага аддзела па надзвычайных сітуацыях.
Ратаўнікі прадэманстравалі амуніцыю, тэхнічныя магчымасці, дзеянні пры тушэнні “пажару”.
Прадстаўнікі аховы паказалі гледачам, як адбываецца затрыманне “злачынцаў”. У паказальных выступленнях ахоўнікаў удзельнічалі і службовыя сабакі.
І. Іванава
Фота Б. Варны
