Адзвінелі апошнія званкі, але школьныя пытанні не адыходзяць на другі план. Бацькоў па-ранейшаму цікавіць, у колькі гадзін у верасні будуць пачынацца заняткі ў іх дзяцей. У 9 ці як раней у 8.30?
На пытанне адказвае начальнік аддзела адукацыі, спорту і турызму Дзятлаўскага райвыканкама Наталля Сяргееўна Белаус:
— Пытанне пачатку заняткаў у 2017/2018 навучальным годзе на цяперашнім этапе вырашаецца на ўзроўні Міністэрства адукацыі Рэспублікі Беларусь. Аб гэтым 24 мая на прэс-канферэнцыі, прымеркаванай да канца навучальнага года, паведаміла начальнік упраўлення агульнай сярэдняй адукацыі Міністэрства адукацыі Рэспублікі Беларусь Святлана Васільеўна Уклейка.
Пакуль вывучаецца меркаванне бацькоў і ўсіх зацікаўленых асобаў. У бліжэйшы час пройдзе сумесная калегія Міністэрства адукацыі Рэспублікі Беларусь з Міністэрствам аховы здароўя, дзе будзе комплексна разгледжана гэта пытанне і прынята адпаведнае рашэнне.
Падрыхтавала да друку І. КАЎКЕЛЬ