Кожны тыдзень у сераду, пятніцу, суботу і нядзелю на вуліцы Савецкай у Гродне праходзіць выстава-кірмаш майстроў народнай творчасці і мастакоў аматарскага аб’яднання “Гарадзенскі каларыт”, дзе можна набыць эксклюзіўныя сувеніры народнай творчасці ручной работы.
21 чэрвеня ў рамках праекта Гродзенскай абласной філармоніі “Серада музычная” адбудзецца праграма “Абаянне”, на якой выступяць музыканты філармоніі.
22 чэрвеня да Дня ўсенароднай памяці ахвяраў Вялікай Айчыннай вайны ў Гродне ў гарадскім парку імя Жылібера будзе праводзіцца мітынг з ускладаннем кветак і вянкоў да Вечнага агню.
22 чэрвеня на Аўгустоўскім канале (шлюз Дамброўка) адбудзецца мерапрыемства “Тут пачыналася вайна”, прымеркаванае да Дня ўсенароднай памяці ахвяраў Вялікай Айчыннай вайны.
24 чэрвеня на вуліцы Савецкай у Гродне адбудзецца мерапрыемства “Гродна, якое чытае”, мэта якога – падтрымаць прэстыж чытання, прывіць цікавасць да кнігі.
24 чэрвеня на тэрыторыі Лідскага замка пройдзе фестываль моладзевых субкультур “Моладзевая хваля”.
24 чэрвеня ў аграгарадку Шчорсы Навагрудскага раёна будзе праводзіцца “Рыбалка ў графа Храптовіча”, куды запрашаюцца ўсе аматары рыбнай лоўлі.
24 чэрвеня ў Смаргоні будзе праводзіцца рэгіянальны фестываль-конкурс выканаўцаў эстраднай песні “Адна зямля”.
24-25 чэрвеня ХІІ адкрыты фестываль джазавай музыкі “Гродна-Джаз” пройдзе на адкрытай пляцоўцы Новага замка ў Гродне.
25 чэрвеня ў парку імя Жылібера ў Гродне будзе праводзіцца “Свята блізнят”.
25 чэрвеня на стадыёне “Юнацтва” ў горадзе Слоніме пройдзе фестываль зорак расійскай і беларускай эстрады “Залаты шансон”.
25 чэрвеня на плошчы Савецкай у Гродне адбудзецца канцэрт “Джазавая нядзеля”.
25 чэрвеня ў аграгарадку Эйсманты Бераставіцкага раёна будзе праводзіцца VI раённы адкрыты фестываль польскай культуры і быту “Эйсмантаўскі фэст”.
25 чэрвеня ў горадзе Ваўкавыску на пляцоўцы па вуліцы К. Маркса будзе праводзіцца адкрыты фестываль кавер-бэндаў, прымеркаваны да Дня моладзі.
25 чэрвеня этап чэмпіянату Рэспублікі Беларусь па аўтагуку пройдзе ў горадзе Ваўкавыску на пляцоўцы па вуліцы К. Маркса.
Падрыхтавала да друку С. ГРЫШЫНА
