Рабочая група па пытаннях дзейнасці індывідуальных прадпрымальнікаў пры грамадска-кансультатыўным (экспертным) савеце па развіцці прадпрымальніцтва пры Міністэрстве эканомікі ўнесла прапановы ў праекты дэкрэта «Аб развіцці прадпрымальніцтва і выключэнні залішніх патрабаванняў, выстаўляемых да бізнесу» і ўказа «Аб некаторых мерах па стварэнні ўмоў для развіцця гандлю, грамадскага харчавання, бытавога абслугоўвання насельніцтва». Адпаведная інфармацыя размешчана на сайце Міністэрства эканомікі, паведамляе БЕЛТА. На пасяджэнні рабочай групы дэталёва разгледжаны палажэнні праекта дэкрэта і дадаткі да яго. У выніку членамі групы прапанавана ўдакладніць рэдакцыю некаторых пунктаў, з мэтай зрабіць іх больш зразумелымі, канкрэтызаваць паняційны апарат (напрыклад, прымяненне паняцця «гандлёвы аб’ект» у плане падзелу абавязкаў уласніка і арандатара), а таксама ўнесці ў шэраг палажэнняў дакумента (якія змяшчаюць прадпісанні) агаворкі, што выключаюць індывідуальных прадпрымальнікаў і мікрапрадпрыемствы. Акрамя таго, індывідуальныя прадпрымальнікі лічаць неабходным удакладніць норму аб мараторыі на павышэнне падаткаў і ўнесці ў праект дэкрэта норму аб адмене абавязку па забеспячэнні збору, абясшкоджання і (або) выкарыстання адходаў тавараў і адходаў упакоўкі для індывідуальных прадпрымальнікаў, якія ажыццяўляюць увоз тавараў ва ўпакоўцы для рознічнага гандлю (плацельшчыкаў адзінага падатку). Старшыні групы былі таксама ўнесены пакетныя прапановы РГА «Перспектыва» па змяненнях і дапаўненнях праекта дэкрэта. Адносна ўказа «Аб некаторых мерах па стварэнні ўмоў для развіцця гандлю, грамадскага харчавання, бытавога абслугоўвання насельніцтва» паступіла прапанова выкласці ў адназначнай рэдакцыі пералік падаткаў, ад выплаты якіх гэты дакумент у выпадку прыняцця вызваліць індывідуальных прадпрымальнікаў і мікрапрадпрыемствы ў сярэдніх, малых гарадах і сельскай мясцовасці. Пры абмеркаванні індывідуальнымі прадпрымальнікамі ўзняты шэраг праблемных пытанняў, якія датычацца вядзення прадпрымальніцкай дзейнасці, у прыватнасці пытанне арэндных адносін. Прынята рашэнне прысвяціць наступнае пасяджэнне рабочай групы гэтай тэме з запрашэннем шырокага кола зацікаўленых. Таксама на наступным пасяджэнні рабочая група плануе разгледзець пытанні, якія належаць да кампетэнцыі падатковых органаў.
БелТА.
БелТА.
