Да ўвагі ўладальнікаў і наймальнікаў газіфікаваных жылых дамоў і кватэр

Падзеі

Дзятлаўскі раён газазабеспячэння ВУ “Слонімгаз” неаднаразова інфармаваў аб выкананні правілаў карыстання бытавымі газавымі прыборамі. Аднак не ўсе аб гэтым памятаюць. Пры карыстанні газам у побыце толькі за студзень 2017 года па віне абанентаў адбылося 7 здарэнняў.

Так, 8 студзеня ў аварыйна-дыспетчарскую службу Мастоўскага раёна газазабеспячэння паступіла паведамленне аб дрэннай рабоце газавага катла ў адным з дамоў вёскі Харціца Мастоўскага раёна. Пры выездзе на месца выкліку аварыйна-дыспетчарская служба выявіла, што агаловак дымавога канала абмерз, аўтаматыка бяспекі ацяпляльнага абсталявання заблакіравана абанентам.

8 студзеня ў службу аварыйна-аднаўленчых работ УП “Мінгаз” паступіла паведамленне ад жыхароў дамоў па завулку Сонечным у пасёлку Ратамка Мінскага раёна аб няспраўнасці газавых ацяпляльных катлоў. Пасля прыбыцця на месца брыгада САВР УП “Мінгаз” выявіла абмярзанне дымаходаў у гэтых жылых дамах. Па дадзеным здарэнні былі тэрмінова прыняты меры па забеспячэнні правядзення пазапланавай праверкі тэхнічнага стану дымавых і вентыляцыйных каналаў.

9 студзеня ў службу аварыйна-аднаўленчых работ УП “Мінгаз” паступіла паведамленне аб атручэнні чадным газам. Пацярпеў 1 чалавек. Брыгада САВР УП “Мінгаз”, калі прыехала ў кватэру, дзе былі ўстаноўлены газавая пліта і газавая калонка, выявіла, што адсутнічаюць акты на дымавыя і вентыляцыйныя каналы, няма цягі. Было прынята рашэнне аб адключэнні ад газазабеспячэння трох пад’ездаў (48 кватэр).

10 студзеня ў аварыйна-дыспетчарскую службу ПУ “Кобрынгаз” паступіла паведамленне аб атручэнні двух чалавек чадным газам. Пры сумесным абследаванні ЖКГ і МНС было выяўлена, што ўсе дымавыя і вентыляцыйныя каналы злучаюцца ў адну каробку, праходзячы праз гарышча на дах. На гарышчы ў дадзенай каробцы былі разбурэнні, з-за чаго прадукты згарання маглі паступаць у вентыляцыйныя каналы.

11 студзеня ў службу аварыйна-аднаўленчых работ УП “Мінгаз” паступіла паведамленне аб атручэнні чадным газам двух чалавек. У кватэры, дзе адбылося здарэнне, былі ўстаноўлены варачная паверхня і газавая калонка. Спецыялісты выявілі наяўнасць зваротнай цягі ў дымавым і вентыляцыйным каналах.

27 студзеня ў службу аварыйна-аднаўленчых работ УП “Мінгаз” паступіла паведамленне ад МНС аб атручэнні чадным газам двух чалавек, якія былі адпраўлены ў бальніцу. У кватэры было выяўлена, што пры працуючай электрамеханічнай выцяжцы, устаноўленай у ванным пакоі, і пры адсутнасці прытоку паветра назіралася наяўнасць зваротнай цягі ў дымавым і вентыляцыйным каналах.

31 студзеня ў службу аварыйна-аднаўленчых работ УП “Мінгаз” паступіла паведамленне аб атручэнні чадным газам чатырох чалавек, якія былі шпіталізаваны. Мяркуемай прычынай здарэння з’яўляецца негерметычнасць дымавых каналаў.

Паважаныя грамадзяне! Выконвайце элементарныя правілы бяспекі. Устанавіце ў жылых пакоях аўтаномныя пажарныя апавяшчальнікі і сігналізатары наяўнасці чаднага газу. Асабліва гэта актуальна для кватэр з газавымі калонкамі і катламі. Пры рабоце кухоннай выцяжкі заўсёды адчыняйце акно на праветрыванне. Гэта дазволіць пазбегнуць перакульвання цягі ў іншых вентканалах (у ванным пакоі, санвузле), і дымавыя газы будуць выходзіць на вуліцу. Пасля заканчэння работы газакарыстальнага абсталявання перакрывайце краны падачы газу непасрэдна на абсталяванні і перад ім. Не эксплуатуйце газакарыстальнае абсталяванне пры няспраўнасці дымавых і вентыляцыйных каналаў, адсутнасці цягі, а таксама без наяўнасці актаў праверкі тэхнічнага стану дымавых і вентыляцыйных каналаў, якія выдае спецыялізаваная арганізацыя.
Дзятлаўскі РГЗ ВУ “Слонімгаз”



Добавить комментарий

Ваш адрес email не будет опубликован. Обязательные поля помечены *