Ад выплаты збору вызвалена

Сацыяльная сфера

Юлія, жыхарка вёскі Агароднікі, атрымала з падатковай інспекцыі паведамленне пра неабходнасць заплаціць збор на фінансаванне дзяржаўных расходаў за 2015 год. У падатковай інспекцыі не было аніякай інфармацыі пра яе непрацаздольнасць. Справа ў тым, што Юлія ў жніўні 2015 года нарадзіла дзіця, а да гэтага нідзе не працавала.

Для таго, каб атрымаць вызваленне ад выплаты збору, Юлія прадаставіла ў падатковую інспекцыю даведку пра стан здароўя, а менавіта, што ў чэрвені 2015 года пры цяжарнасці ў 30 тыдняў яна з’яўлялася непрацаздольнай. Таксама яна падала копію пасведчання пра нараджэнне дзіцяці.

На падставе гэтых дакументаў Юлія была вызвалена падатковай інспекцыяй ад выплаты збору за 2015 год.

І. ІВАНАВА



Добавить комментарий

Ваш e-mail не будет опубликован. Обязательные поля помечены *