Свята завітала ў дзіцячае аддзяленне бальніцы
Опубликовал

Свята завітала ў дзіцячае аддзяленне бальніцы

У час навагодніх і калядных святаў чароўная казка павінна прыйсці да кожнага дзіцяці, пасяліць у юных сэрцах радасць і надзею. А як быць з тымі дзеткамі, каму не пашанцавала сустракаць сямейныя святы дома?
На Дзятлаўшчыне стала добрай традыцыяй у рамках акцыі «Нашы дзеці» наведваць пацыентаў дзіцячага аддзялення Дзятлаўскай цэнтральнай раённай бальніцы. Сёлета дзеці, іх бацькі, медыцынскі персанал прымалі віншаванні ад аддзела ідэалогіі, культуры і па справах моладзі райвыканкама, Дзятлаўскага раённага камітэта ГА «БРСМ» і раённай арганізацыі Беларускага таварыства Чырвонага Крыжа.

Дзед Мароз і Снягурка заклікалі хлопчыкаў і дзяўчынак, іх матуль у вясёлы карагод. Дзядуля Мароз быў шчодры на падарункі. Маленькія пацыенты атрымалі цукеркі, якія ў якасці спонсарскай дапамогі прадаставіла ДРБУ №119 і цацкі ад раённай арганізацыі Беларускага таварыства Чырвонага Крыжа. На развітанне госці пажадалі ім папраўляцца і больш не хварэць.

_mg_2350 _mg_2383 _mg_2387 _mg_2389 _mg_2394 _mg_2399 _mg_2408 _mg_2422 _mg_2431 _mg_2442 _mg_2460 _mg_2474 _mg_2486

І. КАЎКЕЛЬ
Фота П. АДАМЧУКА

3 0 593 29 Декабрь, 2016 Падзеі Декабрь 29, 2016

Добавить комментарий

Ваш e-mail не будет опубликован. Обязательные поля помечены *