У рамках месячніка Чырвонага Крыжа ў Дзятлаўскім раёне прайшла акцыя «Букросінг». Актыўны ўдзел у ім прынялі работнікі цэнтра сацыяльнага насельніцтва раёна, наведвальнікі аддзялення для пажылых грамадзян, работнікі і пацыенты Дзятлаўскай раённай бальніцы. У час акцыі яе ўдзельнікі мелі магчымасць прынесці кнігу, абмяняць яе на іншую. Таксама ў час мерапрыемства старшыня раённай арганізацыі Чырвонага Крыжа расказала аб накірунках дзейнасці таварыства.
Акцыя «Букросінг» працягваецца. Ідзе збор кнігаў для далейшага «падарожжа» іх у аддзяленне для пажылых грамадзян і інвалідаў у Казлоўшчыне.
Праведзены трэнінг
Прадстаўнікі Гродзенскай абласной арганізацыі Чырвонага Крыжа на чале з А. І. Русіновіч 25 мая правядуць на Дзятлаўшчыне трэнінг па аказанні першай медыцынскай дапамогі.
Трэнінг пройдуць сацыяльныя работнікі Цэнтра сацыяльнага аблугоўвання насельніцтва, на абслугоўванні якіх знаходзяцца пажылыя грамадзяне.
А. ДУБРОЎСКАЯ
