З 4 па 29 красавіка на Дзятлаўшчыне праходзіць рэспубліканская сумесная пажарна-прафілактычная акцыя “За бяспеку – разам”. Яе арганізатарамі выступаюць адразу сем міністэрстваў: надзвычайных сітуацый, унутраных спраў, жаллёва-камунальнай гаспадаркі, адукацыі, інфармацыі, энергетыкі, працы і сацыяльнай абароны насельніцтва.
Мэта мерапрыемства – зніжэнне колькасці пажараў, якія адбываюцца ў доме па прычыне невыканання правілаў пажарнай бяспекі, умацаванне правапарадку, інфармаванне насельніцтва.
Будуць арганізаваны сумесныя рэйды з наведваннем ненадзейных сем’яў. Асаблівая ўвага будзе надавацца пустуючым збудаванням, якія выкарыстоўваюцца як месцы для распіцця спіртных напояў і начлегу пабочных асобаў.
Просім усіх грамадзян далучыцца да акцыі і не заставацца ўбаку ад мясцовых праблем. Пра выпадкі парушэння правілаў пажарнай бяспекі і іншыя правапарушэнні можна паведаміць па нумарах “101”, “102”, “112”. Ананімнасць гарантуецца. Ваша актыўная грамадзянская пазіцыя можа ўратаваць чалавечае жыццё.
А. БЕЛЕНКА,
інспектар Дзятлаўскага РАНС