Нашы дзеці добра ўсведамляюць, што агонь – не забаўка, а гульні з запалкамі строга забаронены. А вось як выкарыстаць вогнетушыцель, памяняць элемент сілкавання ў аўтаномным пажарным апавяшчальніку, што такое самаратавальнік, дзятлаўскія школьнікі даведаліся ў час сустрэчы з прадстаўнікамі Гродзенскага абласнога камбіната супрацьпажарных работ Беларускага добраахвотнага пажарнага таварыства. Яго супрацоўніцы падрыхтавалі для дзяцей цікавыя конкурсы на веданне правілаў пажарнай бяспекі з прызамі для самых дасведчаных. Таксама вучні пачатковых класаў замацавалі ужо вядомыя, але важня для жыцця правілы бяспекі жыцця.