Дзятлаўчане – у “Кветкавым раі”
Опубликовал

Дзятлаўчане – у “Кветкавым раі”

Творчы падарунак для жанчын падрыхтавалі галерэйшчыкі Нацыянальнай бібліятэкі Беларусі. Традыцыйная выстава “Кветкавы рай” ужо восьмы раз радуе прыгажосцю, абуджанай пасля зімы.

Кветкі… Сімвал прыгажосці, любові, надзеі, шчасця. Кветкі прыносяць у наша жыццё пяшчоту і вясёлку разнакаляровых рытмаў і вобразаў, таму мастакі ніколі не застаюцца абыякавымі да кветак — і не толькі ў традыцыйных нацюрмортах. Яны гарманічна ўводзяць іх у фігуратыўныя карціны, пейзажы. Гэтыя творы робяць наша жыццё больш радасным, яркім і непаўторным.

1

20160222_104820-1

20160303_165833-1

Прыемнае і цікавае для сябе ў сценах галерэі знойдуць аматары мастацтва любога ўзросту і густу: удзел у праекце прымаюць больш за 40 мастакоў, сярод якіх мастакі, якія пачалі свой творчы шлях, і вядомыя мастакі. Браты Іван і Юрый Козелы з Дзятлаўшчыны экспануюць свае жывапісны творы: Іван – “Дзятлаўская старонка”, Юрый—“Нацюрморт з пралескамі”. Выстава працуе з 3 па 31 сакавіка (Нацыянальная бібліятэка Беларусі, галерэя “Ракурс”, метро станцыя “Усход”).

Падрыхтавала да друку Т. ГРЫЦУК

0 0 631 09 Март, 2016 Сацыяльная сфера Март 9, 2016

Добавить комментарий

Ваш e-mail не будет опубликован. Обязательные поля помечены *