У Дзятлаве прайшлі провады зімы — масленічныя гулянні. Яны суправаджаліся вяселымі конкурсамі, атракцыёнамі, песнямі і танцамі. У час свята, якое праходзіла на пл. 17 Верасня працавалі гандлёвыя палаткі: сваю прадукцыю прапаноўвалі Дзятлаўскі лясгас, СВК Жукоўшчына. Прыгожыя вырабы і сувеніры можна было набыць, завітаўшы на падворкі рамеснікаў. Яны прапаноўвалі шырокі асартымент упрыгажэнняў, дэкаратыўныя пано і карзіны, магніты. Разам з дзятлаўскімі майстрамі працавалі і рамеснікі з Кобрына і Міра. Таксама ў час масленічных гулянняў ладзіліся спартыўныёя спаборніцтвы сярод арганізацый Дзятлаўшчыны.
