Сустрэча з Фількам і Лількай

Здарэнні і бяспека

Другі этап рэспубліканскай акцыі “Бяспечны Новы год”, які пачаўся на Дзятлаўшчыне з выступленняў супрацоўнікаў Дзятлаўскага РАНС на бацькоўскіх сходах у школах раёна, прадоўжыўся сустрэчай ратаўнікоў з малодшымі школьнікамі.

Задачы гэтага этапа – данесці да дзяцей, наколькі небяспечна выкарыстоўваць піратэхніку без кантролю дарослых, расказаць ім аб правілах бяспечных паводзінаў у навагоднія святы.

DSCN2012

Наведвальнікі групы падоўжанага дня сярэдняй школы №3 у забаўляльнай форме даведаліся аб правілах бяспекі ў Новы год і Каляды. Атрымалі парады, якія будуць карысныя ў святы не толькі ім самім, але і іх бацькам. На памяць аб сустрэчы кожны з іх атрымаў каляровыя наклейкі навагодняй тэматыкі і друкаваныя памяткі.

DSCN2151

DSCN2235

Вучняў пачатковых класаў сярэдняй школы №1 горада Дзятлава чакала сапраўднае свята разам з героямі часопіса “Юны ратаўнік” – зайцам Фількам і лісічкай Лількай. Вядомыя дзецям персанажы расказалі, што можна рабіць, а што нельга. Веды разам з малечай замацавалі вясёлымі карыснымі гульнямі і конкурсамі.

Трэці этап акцыі “Бяспечны Новы год” пройдзе ў месцах рэалізацыі піратэхнікі. Набываючы бенгальскія агні і феерверкі, бонусам людзі атрымаюць бясплатную кансультацыю ад ратаўнікоў, як усё гэта правільна і бяспечна выкарыстоўваць. Фінальны, чацвёрты этап акцыі адбудзецца ў магазіне “Родны кут”. Пры дапамозе грыму і рэквізіту супрацоўнікі Дзятлаўскага РАНС і актывісты таварыства юных ратаўнікоў-пажарных наглядна прадэманструюць, да чаго могуць давесці жарты з піратэхнікай. Дзятлаўскі раённы аддзел па надзвычайных сітуацыях жадае ўсім жыхарам Дзятлаўшчыны вясёлага і бяспечнага Новага года.

Матэрыялы старонкі падрыхтавалі А. БЕЛЕНКА, інспектар Дзятлаўскага РАНС, Н. АВЯРЧУК, карэспандэнтка газеты “Перамога”



Добавить комментарий

Ваш адрес email не будет опубликован. Обязательные поля помечены *