Опубликовал

Са святам, мужныя абаронцы!

Урачыстая праграма, прымеркаваная да 23 лютага, прайшла ў Дзятлаўскім раённым Доме культуры. Віншаванні мужчыны Дзятлаўшчыны прымалі ад самадзейных артыстаў раёна, зусім юных «зорачак» сцэны. Відэавіншаванні прадстаўнікам моцнага полу падарылі жанчыны ўстановаў і арганізацый горада.

IMG_1478

Афіцыйную частку ўрачыстай праграмы распачаў ваенны камісар Дзятлаўскага раёна падпалкоўнік Г. Т. Суравец. У сваёй прамове ён, у прыватнасці, адзначыў:
— Дзень абаронцаў Айчыны і Узброеных Сіл Рэспублікі Беларусь — усенароднае свята, якое ўвасабляе непарыўную сувязь пакаленняў, іх пераемнасць. З народнай памяці ніколі не знікне вобраз воінаў-пераможцаў, тых, хто змагаўся за Радзіму, да канца выканаў свой воінскі абавязак, хто выратаваў свет ад «карычневай чумы», хто ўзняў сцяг Перамогі над пераможаным рэйхстагам. Па традыцыі сёння мы ўшаноўваем ветэранаў, аддаём ім даніну павагі, схіляем галовы перад памяццю тых, хто аддаў сваё жыццё за Радзіму.

З прывітальным словам да мужчын таксама звярнулася старшыня раённай арганізацыі грамадскага аб’яднання «Беларускі саюз жанчын» А. І. Жадзейка.

У час урачыстасці былі ўручаны юбілейныя медалі «Да 70-годдзя вызвалення Беларусі ад нямецка-фашысцкіх захопнікаў». Іх атрымалі Л. Ю. Кашко і С. П. Пігульская. Медалі ўручыў старшыня раённага Савета дэпутатаў А.С. Бараноўскі.

IMG_1470

Выдатным музычным падарункам для гледачоў стала выступленне спевакоў прадзюсарскага цэнтра «Спамаш». Дзятлаўскай публіцы свае песні дарылі Мікіта Фаміных, Анастасія Ціхановіч, Яўген Доліч. Іх канцэртная праграма» Мелодыі песень сваіх захавай» уключыла як сучасныя нумары, так і ўжо добра вядомыя шлягеры — «Ружа белая», «Марскі прыбой», «Галіна», «Вечнае каханне».

IMG_1517

Канцэртная праграма зорак беларускай эстрады прайшла на «адным дыханні». Ад імя ўсіх дзятлаўчан артыстаў падзякаваў старшыня раённага Савета дэпутатаў А. С. Бараноўскі. Ён уручыў кветкі, а таксама пажадаў спевакам новых творчых дасягненняў, каб заўжды публіка вітала іх цёпла і душэўна, ды не толькі ў Беларусі, але і за яе межамі.

А.ДУБРОЎСКАЯ

0 0 963 06 Март, 2015 Падзеі Март 6, 2015

Добавить комментарий

Ваш e-mail не будет опубликован. Обязательные поля помечены *