Пра вынікі маніторынгу эфектыўнасці выкарыстання абсталявання

КДК

Пры правядзенні Камітэтам дзяржаўнага кантролю Гродзенскай вобласці сумесна з пракуратурай вобласці ў снежні 2014 года кантрольна-аналітычных мерапрыемстваў у 30 арганізацыях з 57 абследаваных выяўлены факты працяглага непрыцягнення ў вытворчы абарот абсталявання, закупленага за кошт бюджэтных, крэдытных і ўласных сродкаў, на агульную суму звыш 100 млрд. рублёў.

Факты неэфектыўнага выкарыстання бюджэтных сродкаў устаноўлены ў філіяле №7 “Смаргоньсілікатабетон” ААТ “Краснасельскбудматэрыялы”, дзе з 2012 года не выкарыстоўваецца набытае для рэалізацыі інвестпраекта па выпуску вырабаў каркасных жылых дамоў абсталяванне на агульную суму 5 млрд. рублёў. У ААТ “Завод “Оптык” з 2011 года не выкарыстоўваецца вакуумная ўстаноўка коштам 0,7 млрд. рублёў, у ДУ “Навукова-тэхналагічны парк” з 2013 года не выкарыстоўваецца тэхналагічнае абсталяванне на агульную суму 3 млрд. рублёў. У ААТ “Дварэцкі льнозавод” Дзятлаўскага раёна не ўведзена ў эксплуатацыю набытая ў 2010 годзе для рэалізацыі інвеспраекта паравая турбіна коштам 1,2 млрд. рублёў.

Не ўцягнута ў гаспадарчы абарот частка абсталявання, набытага ААТ “Шклозавод “Неман” з дзяржаўнай падтрымкай за валюту абсталявання. Да гэтага часу не ўведзена ў эксплуатацыю набытая ў 2007 годзе лінія па вытворчасці выдувальных вырабаў коштам 874 тыс. еўра, з 2011 года не выкарыстоўваецца гаршковая печ коштам 43 тыс. еўра.

Факты неэфектыўнага выкарыстання бюджэтных сродкаў пры закупках абсталявання ўстаноўлены ў 5 арганізацыях жыллёва-камунальнай гаспадаркі (Бераставіцкім, Зэльвенскім, Іўеўскім, Свіслацкім РУП ЖКГ, УЖРЭП Ленінскага раёна г. Гродна).

У РУП “Гроднаэнерга”, Гродзенскіх цеплавых сетках устаноўлены закупкі значнай колькасці абсталявання для рэалізацыі праектаў на перспектыву, у выніку чаго замарожваюцца бюджэтныя і ўласныя сродкі прадпрыемства.

Таксама выяўлены факты працяглага неўключэння ў вытворчы абарот абсталявання, закупленага арганізацыямі вобласці за ўласныя сродкі. У ААТ “Белкард” ёсць неўстаноўленая з 2007-2012 гадоў абсталяванне коштам 8,3 млрд. рублёў, у ААТ “Гродна Азот” — коштам 16,8 млрд. рублёў, у ААТ “Краснасельскбудматэрыялы” — коштам 14,5 млрд. рублёў. У філіяле №5 “Гродзенскі КСМ”, ААТ “Краснасельскбудматэрыялы” маральна састарэла абсталяванне (тэхналагічная лінія) коштам 2,4 млрд. рублёў. У ААТ “Лакафарба” маецца неўстаноўленае абсталяванне, закупленае да 2000 года за кошт уласных сродкаў на суму 1,4 млрд. рублёў. На балансе ААТ “Лідскі мясакамбінат” з 1996 года лічыцца неўстаноўленае абсталяванне на суму 4,3 млрд. рублёў, якое прызначалася для раней будуемага мясакамбіната ў в. Гуды Лідскага раёна.

Факты працяглага неўключэння ў вытворчы абарот закупленага абсталявання ўстаноўлены ў шэрагу сельскагаспадарчых арганізацый вобласці (СВК “Світанак-Мыта” Лідскага раёна, СВК “Няверавічы” і СКУП “Волпа” Ваўкавыскага раёна, СВК “Бародзічы” і філіяле “Князева” ААТ “Агракамбінат “Скідзельскі” Зэльвенскага раёна, ААТ “Васілішкі” Шчучынскага раёна, ААТ “Птушкафабрыка “Слонімская”, ДП “Птушкафабрыка Чырвонаармейская” Карэліцкага раёна).

Інфармацыя аб выніках кантрольна-аналітычных мерапрыемстваў накіравана ў аблвыканкам для прыняцця мераў рэагавання.

А. САДАЎНІЧЫ,
першы намеснік старшыні Камітэта дзяржкантролю Гродзенскай вобласці



Теги:

Добавить комментарий

Ваш адрес email не будет опубликован. Обязательные поля помечены *